Ваша Екселенција г-дин Претседател,
Како нов амбасадор на Суверениот Ред на Малта во Република Македонија, ми е голема чест да ги поднесам моите Акредитивни Писма денес. Суверениот Ред на Малта има долготрајни билатерални дипломатски односи со Република Македонија. Суверениот Ред на Малта, кој ќе прослави 1000 години од своето основање во 2048 година, им придава најголема важност на односите со Република Македонија. Суверениот Ред на Малта е глобална институција која работи со медицински, социјални и хуманитарни проекти. На меѓународно политичко поле, Редот на Малта е неутрален, непристрасен и неполитички. Не се стреми кон никаква економска или политичка цел и е посветен на зачувување на човечкото достоинство и грижа за сите оние кои имаат потреба, без разлика на раса или религија.
Суверениот Ред на Малта е активен во 120 земји во светот и има дипломатски односи со над 100 од нив. Ова обезбедува единствена дипломатска хуманитарна мрежа која истовремено е демонстрација на нејзиниот суверенитет и оперативен инструмент за нејзините хуманитарни активности.
Навистина, постои важна оперативна врска помеѓу дипломатската мрежа на Редот и нејзините хуманитарни задачи. Всушност, хуманитарните активности на Редот на Малта низ светот во голема мера се олеснети со постоењето на неговата дипломатска мрежа, која ги зајакнува нејзините односи со владата на земјите во кои работи. Така, амбасадите на Редот во различни делови на светот имаат задача да ги помагаат медицинските и хуманитарните активности во различни области, додека дипломатските односи значат и неспоредлив пристап, на политичко ниво, до националните влади и меѓународните организации. Во својата единствена природа како суверена и хуманитарна институција, Редот ги следи овие цели со векови.
Од своето отворање во 1998 година, Амбасадата на Редот на Малта во Скопје има спроведено неколку хуманитарни, болнички, социјални и тренинг активности на различни локации во земјата. Мојата намера е да продолжам и да ги поттикнувам овие хуманитарни иницијативи. Ова е моја силна заложба како нов амбасадор на Суверениот Ред на Малта во Република Македонија. Со најтопли желби за среќна и просперитетна 2019 година, ја изразувам, господине претседателе, мојата искрена благодарност што бев овде во овој многу важен ден од почетокот на мојата дипломатска мисија во оваа земја.
